|
||
 |
||
| Pri Esperanto-France
En la lokaj esperanto-centroj, multaj aktivaj esperantistoj ne sentas la bezonon aliĝi al nacia organizaĵo kaj tiel kontribui al la progresoj de Esperanto naciskale. Eble, ili pensas : kial aliĝi al asocio, kiu, krom la preno de kotizoj, ŝajnas, el ekstere, tute inerta ? Efektive, Esperanto-France, povus esti multe pli ofensivema en la lukto por la defendo kaj la konigo de esperanto. Jen kelkaj sugestoj : 1e — Estus dezirinde ke, ĉiujare, en septembro–oktobro, Esperanto-France impulsu nacie kampanjon por la informado en definita medio : edukistoj, studentoj, universitatoj, liceoj, turismo, gazetaro, ktp. Esperanto-France, ekzemple, konsilus klopodojn kaj preparus tekstojn por trafi la koncernatan medion. 2e — Kelkafoje, aperas (ĉefe en la nacia gazetaro) aŭ estas aŭdataj en televido, stultaj asertoj pri esperanto. Esperantistoj ofte bone reagas, ĉefe per Internet, sed estus dezirinde ke Esperanto-France « oficiale » intervenu. Ni ne devas forgesi ke se ĵurnalisto mokus, ekzemple, la bretonan aŭ la vaskan lingvon, la koncernataj regionaj asocioj vigle reagus. Nia lingvo esperanto meritas absolute la saman agadon. Iam, en nia movado, oni parolis pri la « paperkanono » ! Ni notu pozitivajn punktojn : — La panelojn proponitajn de Esperanto-France. — La bonegan faldfolion « Esperanto la langue équitable ». — La DVD « Esperanto elektronike » (por komputiloj). Aliflanke, la revuo « Le Monde de l'Esperanto » estas bela dulingva gazeto, kiun ni povas fiere prezenti al la publiko. Ĝi devus aperi pli regule kaj iom pli ofte. La monata bulteno « Okazas » ankaŭ mankas al ni. 3e — Ni vere bezonus en Francio, komitaton de amikoj de esperanto, kiu kunigus konatajn personojn de la politika, arta, ĵurnalista, scienca, edukatista medioj ! Ne nur ni povus citi iliajn nomojn sed tiuj personoj, regule informitaj pri la gravaj okazaĵoj en nia movado, eble kelkafoje utilus por interveni favore al esperanto. 4e — Mi opinias ke estus bone se Esperanto-France, en tuta kunlaborado pli aktive kun la aliaj naciaj esperantaj organizaĵoj, konsiderus tre serioze la gravecon de niaj studaj instalaĵoj kiel Grésillon kaj Bouresse, por vivteni ilin kaj ampleksigi ilian rolon. Mi estus feliĉa se, kiel mi, vi esprimus opinion pri tiuj temoj. ANDRÉ FRANGEUL (Angers) 15/02/2007 |
|